|
سئچگی سونراسی اولایلاردان آلا بیله جه ییمیز درسلر- آیدین تبریزلی
بیلدیگینیز کیمی، آذربایجانین و خصوصیله تبریزین بو حرکتلرده ایشتیراک ائتمه مه سی، پان ایرانیست لری چوخ یاندیریب دیر! من چوخ ایستردیم کی بیز سکوت ایله یوخ، اوچونجو و موستقیل بیر حرکت کیمی اوز گوجوموزو گوستره بیلردیک. آنجاق بیز فورصتلری الدن وئردیک و ایندی بیز گرک بو سوسماق سیاستینی دوغرو قاباغا آپاراق. هر حالدا بو سکوت دا بیر تاریخی درس اولدو پان فارسلارا و بیزه بیر باشاری اولدو. آنجاق بیر مساله یه دیققت گوسترمه لییک کی بیزیم بو سکوت گرک همیشه لیک اولمایا و بیز گله جک فورصتلرده گرک اوز شعارلاریمیزلا اوچونجو بیرگوج کیمی اورتایا چیخماغی باشارا بیلک. هله لیک کودتاچی لار اعتیراضلاری دوردورا بیلمه ییبلر و بو یاخشی خبردیر. چون احمدی نژاد و خامنه ای بو سئچگی کودتاسینی سونونا قدر قاباغا آپارا بیلسه لر، بوتون موخالیفلری سرکوب ائده جک لر و بیزیم میللی فعاللاردا بو فیشارلاردان اوزاق قالمایاجاقلار. چون رژیم داها نه قدر ضعیف اولدوغونو چوخ یاخشی آنلاییب و هر رژیم کی میللتین آراسیندا مشروعیتین الدن وئرسه، داها وحشی جه سینه بوتون سیاسی فعاللار ایله داورانماق مجبوریتینده دیر تا بیر نئچه ایل آرتیق اوز حاکمیتین ساخلایا بیلسین.
بو یالانچی محکمه ده، دادستانین کیفرخواستیندا پان تورکیست لرین ده آدی گلمه سی گوستریر کی بیز بو حرکته قاریشیب یا قیراخدا دورماغیمیزا باخمایاراق، کودتانین غالیب گلدیگی گوندن سونرا، بیزیم ده میللی فعاللار کودتاچی لارین سرکوب پلانی نین ایچینده اولاجاقلار! چونکو بو رژیم بیزیم حرکتی بیر بویوک خطر پتانسیلی کیمی گورور. اونلار بیلیرلر کی اگر بوگون بیز ساکیت الوماغی سئچمیشیک، بو او آنلامدا ده ییل کی بیز همیشه ساکیت اولاجاییق! پس رژیم اوزونو خطرده گوردویو وضعیتده، بیزیم حرکته ده بویوک ضربه وورماغا چالیشاجاق. بونا گوره بو کودتانین غالیب گلمه سی بیزه ده چوخ ضرری اولاجاق دیر. نظره گلیر کی کودتانی بو تئزلیکده مغلوب ائتمک رئال بیر احتمال ده ییل و ان یاخشی وضعیت بیر تعادل حالتی اولا بیلر کی موسوی، خاتمی، کروبی و هاشمی جیناحی رژیم دن ائشیگه آتیلماسینلار و مثلا موسوی باشارا بیلسین بیر یئنی سیاسی پارتیا یاراتسین و اعتیراضلارینا، بیر سیاسی و قانونی پارتیا اساسیندا دوام ائتدیره بیلسین. آنجاق اگر کودتا تام غالیب گلسه و موسوی، خاتمی، کروبی و هاشمی جیناحی رژیم دن ائشیگه آتیلسالار بیر قارا استیبداد دورانی باشلاناجاق دیر کی بوتون سیاسی آکتیویستلری آغیر وضعیتده سرکوب ائده جکلر.
بیز بو اولایلاردا اوچونجو بیر گوج کیمی مئدانا گلمک فورصتینی چئشیتلی ندن لر اوچون الدن وئردیک. ان بویوک یانلیش، جیناب اعلمی نین صلاحیتی نین ردد اولونماسینا اعتیراض ائتمه مه ییمیز اولدو! اگر بیز خوردادین بیرینده، اعلمی نین صلاحیتی نین ردد اولونماسینا بیر مدنی اعتیراض میتینگی یولا سالسایدیق، سئچگی لردن سونرا اعلمی نین رهبرلیگی آلتیندا اوچونجو بیر گوج اولاراق، موسوی دن و فارسلاردان موستقیل بیر حرکت یارادا بیله ردیک. موسوی نین کئچمیشی هامی میزین گوزونون قارشیسیندادیر و اونون قارانلیق مقاملاری هامیا آچیق دیر، آنجاق فارسلار همین موسوی دن، رژیمه قارشی بیر بویوک حربه کیمی فایدالانماغی باشاردیلار و بیر بویوک حرکت یاراتدیلار. آنجاق بیزیم ایچیمیزده بعضی لری تاپیلدی کی جیناب اعلمی نی رژیمین اووجو آچیلمیش مامورو آدلاندیردیلار! من اعلمی نین سیته سینده یازدیقلاریندان آنلاییرام کی اعلمی بی کی دئمیشدی آذربایجان منیم تشکیلاتیمدیر، من آذربایجانین غیرتینه گوز تیکمیشم، اصلاحات تهراندا مغلوب گلدی، گلمیشم ستارخان کیمی تبریزدن حقیقی ایصلاحاتی باشلایام... آذربایجان میللتی طرفیندن یالنیز بوراخیلدیغی اوچون ناراحات دیر و منجه بو ناراحات لیغیندا تام حاقلی دیر. اعلمی اوزونو موسوی ایله قیاس ائدیر کی نه قدر موسوی دن صداقتلی اولدوغونا باخمایاراق، تهرانلی لار، موسوی یه بو قدر دستک وئردیلر ولی بیز آذربایجانلیلار اعلمی نین صلاحیتی نین ردد اولونماسی اوچون بیر کیچیک اعتیراض میتینگی ده یولا سالمادیق!
بو مساله ده رژیمین الی ایله خاتمی نین تحقیر ویدئوسونون یاییلماسی نین دا اونملی یئری واریدی. اونجه دئییم کی بیزیم بو مساله یه موناسیبت گوسترمه ییمیز تام دوزگون ایشیدی چونکو بو جوک لار ساده جه بیر تحقیر ده ییل بلکه بیر آسیمیلاسیون وسیله سی دیر و شوونیست لر جوک وسیله سیندن بیزیم میللتین کرامتینی سینیدیریب و اوشاقلاریمیزی پیسکولوژیک باخیمدان، آسیمیله اولماق اوچون، حاضیرلادیرلار. آنجاق بیزیم بو تحقیره موناسیبت بیلدیرمه ییمیز گرک باشقا اونملی مساله لریمیزه کولگه سالمایاردی. تاسوفله بعضی دوستلار دئدیلر کی سئچگی لری و اعلمی نین صلاحیتی نین ردد اولونماسین اوتورون! او رژیمین ایچریسینده اولان مساله دیر و بیزه ربطی یوخدور! بیز گرک یالنیز بو تحقیره اعتیراض ائدک! اونلار ایسته دیلر کی بو تحقیردن بیر یئنی خورداد حرکاتی یاراتسینلار، کی چوخ یانلیش بیر سیاست ایدی. من ایکی ایل بوندان اونجه پیش بینی ائتمیشدیم کی بیز بیرداها جوک و تحقیرلردن، خورداد اولایلارینا اوخشار، یئنی بیر حرکت یارادابیلمه ریک (1):
«همانطور که هیچ کس باور نمی کرد که یک کاریکاتور (هر چقدر هم توهین آمیز بوده باشد) بتواند چنین موج اعتراضی بزرگی را به راه اندازد، جرقه حرکت بعدی نیز اصلا قابل پیش بینی نخواهد بود و به احتمال زیاد از لحاظ ماهیتی کاملا متفاوت با آن خواهد بود. به این معنی که به احتمال قوی دیگر توهینهایی حتی سخیفتر از توهین روزنامه ایران نیز عاملی برای اعتراض عمومی نخواهد بود چون در واقع در سال گذشته نیز کاریکاتور تنها بهانه بود و اصل نارضایتی مردم در بی عدالتی های چند دهه اخیر بر ضد ملیتهای غیرفارس بود. همچنین وقتی مردم اعتراض خود را به توهین روزنامه ایران نشان دادند در واقع این اعتراضی بود به تمام توهینهایی که بر ضد تورکها روا داشته می شود و از نظر روانشناختی دیگر توهینهای مشابه یا حتی بدتر ازآن حاوی چیز جدیدی نیست که اعتراض دیگری را سبب شود. شاید بتوان حدسیاتی زد مثلا به احتمال زیاد ایران در بحران هسته ای خود با تحریمهای اقتصادی روزافزونی روبه رو خواهد شد که می تواند سبب نارضایتی شدید اقتصادی و اعتصابات گسترده کارگری شود و همین امر می تواند جرقه حرکت بعدی باشد. همچنین باتوجه به اینکه آقای اعلمی به حق در دفاع از حقوق موکلین خود تمام تلاش خود را کرده است شاید حاکمیت دچار این اشتباه بزرگ شود که بخواهد در انتخابات بعدی ایشان را رد صلاحیت کرده یا به اجبار مجبور به کناره گیری کند و همین اشتباه می تواند جرقه ای برای اعتراضات باشد.»
ایکی ایل بوندان اونجه پیش بینی ائتمیشدیم کی اعلمی نین صلاحیتی نین ردد اولونماسیندا او پتانسیل واردیر کی یئنی بیر خورداد اولای لاری یارانسین، آنجاق جوک لار و تحقیرلر داها بیر یئنی حرکت یارادا بیلمز. چونکو بیزیم میللت هر جوک اوچون بیر اینقیلاب یارادیب و قان وئره بیلمز و خورداد اولای لارینداکی اعتیراض بوتون تحقیرلره اعتیراض ایدی یوخ کی یالنیز بیر کاریکاتورا اعتیراض! اوندان علاوه بیر بویوک اولای او زامان یارانا بیلر کی رژیم اونو پیش بینی ائده بیلمه سین و سورپریز کیمی بیر شوکدان سونرا اورتایا چیخسین. آما سئچگی لر زامانی سیاسی فضانین آچیلیشی، بیر بویوک و سورپریز حرکته ایمکان یارادا بیلر نئجه کی ایندی گوروروک بو سئچگی لردن سونرا نه بویوک بیر حرکت یاراندی. همان زامانلار بیر باشقا مقاله ده (2) بوگونکو سئچگی اولایلارینی دقیق دئتاللاریلا پیش بینی ائتمیشدیم:
« من حتی در دوم خرداد 76 هم معتقد بودم که این حکومت اصلاح ناشدنی است چون جمهوری اسلامی صرفا یک حکومت دیکتاتوری فردی نیست بلکه یک حکومت دیکتاتوری مذهبی و توتالیتر است چون ایراداتی اصلاح ناپذیر در قانون اساسی اش دارد که همگان به آن واقفند. از جمله ولایت مطلقه فقیه و نهادهای غیر انتخابی، منشا قدرت بودن مذهب و نه رای مردم و.... اما همان موقع طرفدار دوم خرداد و اصلاح طلبان بودم چون به یک اصل اساسی معتقدم، کمتر دیکتاتوری در دوران اوج قدرت دیکتاتوریش سقوط می کند بلکه همه دیکتاتوریها هنگامی که مجبور به باز کردن فضای سیاسی می شوند، سقوط می کنند. مثلا اتحاد جماهیر شوری در دوران اصلاحات گورباچوف فروپاشید و شاه ایران پس از باز کردن فضای سیاسی تحت فشار آمریکا سقوط کرد. اما اگر دیکتاتورها بتوانند همانند صدام، امنیت قبرستانی ایجاد کنند و ترس و واهمه را در دل همه جای دهند، به سختی می توان آنها را از درون فروپاشاند. پس دفاع من از دوم خرداد نه به دلیل امید به اصلاحات که از زاویه امید به سقوط حکومت با اعتراضات مردمی در فضای نسبتا باز سیاسی بود.
اگر اپوزیسیون به درستی این موضوع را درک می کرد باید به جای مسابقه ناسزا گویی و بذله گویی، با استفاده از رسانه هایی که در اختیار داشت، مردم را به فشار از پایین در دوران اصلاحات دعوت می کرد. به این معنی که به جای سازش کار خواندن اصلاح طلبان، از مردم دعوت می کرد که از رائی که داده اند دفاع کنند و در برابر قانون شکنی های شورای نگهبان به تحصن، راهپیمایی مسالمت آمیز روی آورند. البته آنها در ابتدا بسیار بر روی به خیابان کشیدن مردم سرمایه گذاری کردند ولی آنچه آنها به دنبالش بودند، نه حمایت از اصلاح طلبان در برابر کارشکنی های شورای نگهبان و پر کردن خلا موجود در استراتژی فشار از پایین و چانه زنی در بالا، که دعوت به اعتراضات کور و ضد ماهیت رژیم بود. بدیهی بود که آنها در این زمینه موفق نمی شدند چون که اعتراض به ماهیت وجودی رژیم هزینه سنگینی دارد و مردم قادر به پرداختن آن نبودند و نیستند. اما اگر اعتراض مردم فقط به مسائل مشخص مثل مخالفت با رد کردن مصوبات کلیدی مجلس مثل اصلاح قانون مطبوعات و حذف نظارت استصوابی توسط شورای نگهبان متمرکز می شد، می توانست به تغییرات جدی و قدرت گرفتن هرچه بیشتر فضای باز سیاسی برای افزایش سقف مطالبات بیانجامد.
نمونه بسیار مهم دیگر درست چهار سال پیش بود یعنی آنجا که بسیاری از نمایندگان اصلاح طلب مجلس ششم رد صلاحیت شده بودند. آن روز برای اولین بار اصلاح طلبان جرات به خرج داده بودند و با تحصن اعتراضی خود به رد صلاحیت ها عملا اعتراض کرده بودند و با زبان بی زبانی مردم را به حمایت از تحصن و آمدن به خیابانها دعوت می کردند. اما اپوزیسیون شکاک، پرخاشگر و بذله گوی خارج نشین، تمام انرژی خود را صرف کرد تا مردم را نسبت به این حرکت بدبین کند و این تنها کار درست اصلاح طلبان را عقیم نماید! البته آن روز استدلال می شد که نمایندگان به خاطر صلاحیت خودشان اعتراض می کنند و نه حق انتخابات آزاد. اما یک اپوزیسیون باهوش و فرصت طلب باید از این فرصت استفاده می کرد و با کشاندن مردم به خیابانها، هدایت خواست آنها را خود در دست می گرفت و اصلاح طلبان را در برابر عمل انجام شده قرار می داد! تنها تصور کنید که در آن روز یک میلیون نفر از مردم تهران در خیابانهای اطراف مجلس تجمع می کردند و تنها شعار می دادند، نظارت استصوابی ملغی باید گردد، و خواستار انتخابات آزاد تحت نظارت بین المللی می شدند. آیا واقعا در آن صورت با پیوستن سایر شهرها به این حرکت، پایه های حکومت به لرزه در نمی آمد و یک انقلاب مخملی و یا حتی یک انقلاب براندازانه روی نمی داد؟!»
دئیه بیلرم کی فارس اوپوزیسیونو یوخاریدا یازیلان توصیه یه دقیق عمل ائتدی و بیر بویوک اولای یاراتماغی باشاردی. البته دئمیرم کی یالنیز من بو مساله نی بیلیردیم و اونلار مندن اوره نیب لر آنجاق ان آزی دئیه بیلرم کی بیزده ده بو بیلگی واریدی آنجاق تاسوفله بیزیم میللی فعاللاریمیز، میللی حرکتی «جوک نهضتی» نه چئویرمه یه باشلادیلار و باشقا میللی فعاللارین توصیه لرینه قولاق وئرمه دیلر. «جوک نهضتی» دئدیغیمدن منظوروم بودور کی اونلار گوزله ییردیلر کی بیر نفر بیزه تحقیر ائتسین تا میللتی کوچه لره چاغیرسینلار کی نه اوتوروب سونوز کی بیزه توهین ائدیبلر! رژیم ده بیزیم بو ضعیف نقطه میزی آنلاییب و ایسته دیگی زامان بیر تحقیر ویدئوسو یاییب و بیزی باشقا اونملی مساله لریمیزدن اوزاق ساخلاماغی باشاردی! بیز بو بویوک یانلیشیمیزدان درس آلمالییق و بیزیم ایچریده اولان میللی فعاللار جیناب اعلمی یه داها یاخینلاشیب و گله جک حرکتلریمیزده اوندان حیمایت ائتدیگیمیزی اعلان ائتمه لییک و بیرداها اعلمی نی آذربایجان حرکتینه یاخینلاشدیرمالییق. بلکه مشروطه حرکاتی نین ایلدونومو یاخشی فورصت ایدی کی بیز حرکته گلردیک آنجاق بیزیم میللی فعاللار آراسیندا درین ایختیلاف لارین اولدوغو زاماندا و بیزیم گوجلو مئدیالار الیمیزده اولمادیغی زاماندا هله لیک حرکته گلمک زامانی ده ییل. بیر ایشی زامانیندا گورمه یه نده، داها اونو ده ییشمک چوخ چتین اولور. وقتی بیز اعلمی ردد صلاحیت اولاندا هئچ بیر اعتیراض ائتمه دیک، تاسوفله ایندی بو اعتیراضلاری باشلاماغا چوخ گئج اولوبدور! گوناز تی وی گرک تورک ست یا هات بیرد پیک لرینه گلسین، ایچریده میللی فعاللار بیر آرایا ییغیشماغا یول تاپماغی باشارمالیدیلار و بیز گله جک فورصتلره حاضیر اولمالییق. آنجاق ایندی ایرانین وضعیتی گرگین اولدوغو اوچون تانینمیش میللی فعاللار دیققتلی اولمالی دیلار و رژیمین الینه سرکوب اوچون بهانه وئرمه مه لیدیلر.
بیر باشقا اونملی مساله ده کی بوردا واردیر، بودور کی اگر تبریزده و آذربایجانین باشقا شهرلرینده، میللتیمیزین اوزونون طرفیندن اعتیراضلار باشلانیرسا، بیز گرک اوز میللتیمیزدن حیمایت ائدک و اونلارین حرکتینی هیدایت ائتمه یه باشلایاق. چوخ بویوک یانلیش اولار کی بیز نوری زاده کیمی پان فارس لارین سوزلری اوچون، میللتیمزه قارشی چیخاق و مثلا اوز میللتیمیزی کی رژیمه قارشی خیابانلارا چیخیرلار، پان فارس طرفدارلاری آدلاندیراق! بو چوخ بویوک یانلیش اولا بیلر و گوناز تی وی و سیته لریمیز چوخ دیققتلی اولمالی دیلار کی اصلا بو یانلیشی ائتمه مه لییک. بونو بیلمه لییک کی اوز میللتی نین قارشی سیندا دوران سیاسی قوه، همیشه اودوزاجاق! ائله بونا گوره دیر کی ایندی بوتون رژیمین خاریجده اولان موخالیفلری سئچگی لری تحریم ائتدیکلرینه باخمایاراق، ایران دا گئدن حرکتدن حیمایت ائدیرلر چون میللتین قارشی سیندا دورماق، میللتین حیمایتینی الدن وئرمک دئمک دیر. نئچه ایل اونجه کوی دانشگاه اولای لاریندا، تبریز هامی شهرلردن اونجه مئیدانا چیخدی آنجاق پان فارسلار 3 ایل بوندان اونجه خورداد اولایلاریندا آذربایجان میللتی نین قارشی سیندا دورماقلا چوخ بویوک سیاسی یانلیش یاپدیلار و ایندی آذربایجان میللتینین آراسیندا هئچ حیمایتلری یوخدور! چوخ دیققتلی اولمالییق کی بیزده همین بو بویوک یانلیشی یاپمامالییق و اگر بیزیم میللت اوزو آیاغا قالخدی، بیز گرک هر زامان میللتیمیزین دالیسیندا دوروب و اونون حرکتیندن حیمایت ائدک و اونون حرکتینی اوز میللی موباریزه میزه باغلایاق. اگر بیز بو یانلیشی یاپساق و اوز میللتیمیزین احتیمالی حرکتینین قارشیسیندا دورساق، چوخ تئزلیکله میللتیمیزین حیمایتینی الدن وئره بیله ریک.
بیزیم میللی فعاللار همیشه حاضیر اولمالیدیلار کی هر حرکت اولدوغو زامان چوخ سورعتله او حرکته قاریشیب و اوز میللی شعارلاریمیزی دا او حرکتده سسلندیرسینلر. آنجاق بیر شعارلار حاضیرلانمالی دیر کی موسوی یه قارشی و یا فارسلارا قارشی اولماسین. مثلا موسوی دن حیمایت شعاری ایله برابر «اعلمی، اعلمی، حیمایت حیمایت» شعاری دا وئریلمه لیدیر تا بیزیم فرقلی موقع دن مساله یه باخیشیمیزی گوسترسین. نئیه کی بیزیم فیکریمیزجه بیر سئچگیده کی قاباقدان نامزدلرین صلاحیتی دلیل سیز ردد اولوبدور، یالنیز سسلری سایماقدا تقلب دان دانیشماق دوز ده ییل و نظارت استصوابی آدلاندیریلان حاقسیزلیغا دا اعتیراض ائتمه لییک.
تهراندا بیر یئنی شعار وئریلیبدیر کی پان فارسلاری چوخ سئویندیریب و اودا «استقلال، آزادی، جمهوری ایرانی» دیر! آذربایجاندا بیر حرکت اولورسا، اونون جاوابیندا بیزیم شعاریمیز «ایستیقلال، آزادلیق، فئدرال جومهورلوق» اولمالی دیر. باشقا شعارلار «زیندانی لر آزاد اولسون» «اولوم اولسون دیکتاتورا» «اولوم اولسون فاشیسته» «اولوم اولسون راسیسته» «قیزیلدان اولسا قفسیم، آزادلیغا وار هوسیم» و بو شعالارین قیراغیندا اوزوموزه مخصوص اولان شعارلاردا وئریلمه لیدیر: «تورکون دیلی رسمی اولسون» «آذربایجان چوخ یاشا...» «تورک دیلینده مدرسه، اولمالیدیر هر کسه» و... آنجاق فارسلارا یا باشقا میللتلره قارشی شعارلار اصلا وئریلمه مه لیدیر چون هم بیزیم دئموکراتیک و اینسان حاقلاری ایناملاریمیزا قارشی دیر و همده ایختیلاف سالان و حرکتی پوزان و تام یانلیش بیر حرکت اولا بیلر. هر حالدا بیز مساله نی تام اطرافلی آنالیز ائتمه لییک و بو اونملی و تاریخی گونلرده دیققتلی اولمالییق تا هئچ بیر یانلیش آددیم آتمایاق و میللی منافعمیزه و میللی حرکتیمزه ضربه وورمایاق.
(1): http://www.akhbar-rooz.com/article.jsp?essayId=9852
(2): http://www.iranglobal.info/I-G.php?mid=2-45500
آذربایجان میللی حرکتی
| 
